Idacadda Quraanka Kariimka
ee IQRA

War Deg Deg Ah: Shaqaalihii iyo Markabkii Spain laga lahaa oo Dalka Somaaliya lagu haystay oo la sii daayey Saacado ka hor.

Waxaa soo diray: saciidnadaara

War Deg Deg ah: Wararka naga soo gaaraya deegaanka Xarardheere ee gobalka Mudug ayaa sheegaya galabta lasiidaayey Markabkii laga lahaa dalka Spain ee lagu magacaabay Playa de Bakio,Illaa iyo hada macada in markabkan laga bixiyey lacago madax furasho ah ayadoo la xaqiijinayo in lasii daayey 26kii shaqaalaha ahaa iyo Markabkii ay saarnaayeen.

Abdisalam Khalif Ahmed oo kamid ah masĄŻuuliyiinta ku sugan magaalada Xarardheere ayaa mar uu saxaafada xiriir la sameeyey galabta sheegay in burcad badeeda lasiiyey 1.200.000 (Hal milyan iyo labo boqol oo kun) oo dollarka maraykanka ah.

Wuxuuna masĄŻuulkani sheegay in hada burcad badeeda ay ku sugan yihiin tuulo wax yar u jirta Xarardheere isla markaana halkaasi ka kireysteen gaadiid ayagoo sita lacagtaasi lasiiyey. Abdisalam Khalif Ahmed ayaa sheegay in lacagtan lagu keenay dooni yar kadibna gacanta laga geliyey burcada, taasi oo keentay in ay burcada siidaayaan shaqaalihii iyo markabkii ay afduubka u heysteen.

Dhinaca Dowlada Spain waxaa siideyntan xaqiijiyey RaĄŻiisul Wasaare kuxigeenka dalkaasi Mrs.Maria Teresa Fernandez de la Vega.

Mrs.de la Vega ayaa sheegtay in dhamaan shaqaalihii ayagoo nabad qaba lasii daayey, balse waxay ka gaabsatay in ay wax faah faahin ah ka bixiso habkii loo siidaayey markabkaasi, ayadoo aan soo hadal qaadin lacagtii Madax-furashada ahayd oo ay burcad badeedu codsadeen.

Kooxda Markabkan afduubay ayaa codsaday in lasiiyo lacag dhan 1 milyan oo Euro oo u dhiganta 1.6 milyan oo Dollar.

Markabkan ayaa laga qafaashay bada cas balse hada wuxuu ku sugan yahay xeebta degmada Xarardheere oo waa xarun u ahaan jirtay burcad badeeda Soomaalida.

Maria Teresa Fernandez de la Vega RaĄŻiisul Wasaare kuxigeenka spain ayaa shirkeedii jaraaĄŻiid galabta ku sheegtay in markab dagaal oo laga leeyahay dalka Spain uu soo galbin doono Markabkaasi lasii daayey.

Waxayna ku nuux nuuxsatay in dowlada Spain ay ka shaqeyn doonto sidii aan dib danbe falalka afduubka noocaan ah uga dhicin xeebaha soomaaliya.

Dowlada Spain ayaa wadahadalo la galay kooxda wax afduubay ayadoo wadahadaladan ay sidoo kale qeyb ka ahaayeen Mulkiilayaasha Markabkaasi kaluumeysi oo markii laga afduubta bada Soomaaliya ku jiray hawlaha kaluumeysiga kaluunka Tunada.